أكــــبر خيـــــانه

من طرف **غزل** السبت سبتمبر 26, 2009 9:48 am

لا جيت ابنسى واتراجع واسامحك ...

صاحن جروحي واشتكن لي طعونك ...

كلك خيانه قول وشلون ابمنحك ...

وش موقفك من شخص دايم يخونك ...

اكبر خطا .. لوجيت يمك اصالحك ...

اول تحول .. لا تغرك إلحونك ...

اللي تقوله صح .. لو كنت جارحك ...

مير انت غارق للاسف في ظنونك ...

وصفك نسيته بس باقي ملامحك ...

بنهيك وانهي بالنهايه جنونك ...

ما تستحق امد كفي .. واصافحك ...

مثلك غلط عمري وابحيا بدونك ...

كنت عتقد قلبي هو ابرز مصالحك ...

اللي يبيع الناس لجله يصونك ...

تعبت اسوق الشوق يمك واصارحك ...

اخلصت لك بالحب شوفت عيونك ...

لكن خساره صرت غايه مصالحك ...

ياليتني ماجيت لحظة بكونك ...

بالامس كنت بنشوة الحب امازحك ...

اخيل برقك واتحرى امزونك...

واليوم من صفحة حياتي ابمسحك ...

هديت صرحك ثم طاحت اركونك ...

ولابي عيوني لو تصورت تلمحك ...

اعلنت موتك ... وانسجن لي كفونك ...

وان جيت تطلب ترتجيني اسامحك ...

بهديك طعنه من بقايا طعونك ...