توقعت انك اخلص من عرفت وشفت في دنياي

من طرف ملكة الجرح الإثنين نوفمبر 02, 2009 9:36 am

على امرك يابعد نبض الخفوق وهاجسي ومناي
مدامك ماتبي وصلي أنا وش عاد يبقينـي

أبحفظ مابقى لي من كرامه وأستحـث خطـاي
على درب الغياب ووين مـاودى يودينـي

واذا هفهف على صدري هواك وحدني لاقصاي
دعيت الله يطمن في بعادي قلبـي وعينـي

وطلبته مثل مامكن غـلاك وركـزه بحشـاي
يشيله من معاليقي قبل لا الوجـد ينهينـي

ولعلمك لو عرفت إني أبثني عزمك برجـاوي
أموت ولا ترجيتك وقلبـك بايـرٍ فينـي

لو انك قلتها تبغـى تشـوف معزتـك جـواي
أو انك قلتها ساعه غضب والذنب كاسيني

لاجيك بكل حيلاتي من ايام الصبـا لـتـلاي
واشري رضاك لو كان المقابل باقي سنيني

ولكن مالمسته بك قتل حتـى العتـب بشفـاي
غرام ٍ مات في عينك على فرقاك يغريني

حسافة كنت احسب انك تقدر طيبتـي ووفـاي
وعلى اقل احتمال تراعي اللي بينك وبيني

توقعت إنك أخلص من عرفت وشفت في دنياي
أشك بكل من حولي ووحـدك ماتخلينـي

طلبت البعد في وقتٍ أبيك تكـون بـه يمنـاي
بعد ماجارت ايامي علي وحـارت يدينـي

ولايخفاك صكات الزمـان وماحصـل ويـاي
ولو مافي يدك حاجة وجودك كان يكفينـي

توفي لو بعض دينك إلين آقف علـى ماطـاي
لعل يكون لي صبر ٍ على الفرقـا يقدينـي

على كل حال ماينفع ملامي لك وكثـر حكـاي
عن اذنك برحل لدرب الغياب اللي يناديني

توقعت انك اخلص من عرفت وشفت في دنياي 20